Tadbirda viloyat hokimi M. Azimov, sog’liqni saqlash boshqarmasi boshlig‘i N. Qurbonov, viloyat mas’ullari hamda tibbiyot xodimlari ishtirok etdi.

Mazkur tug’ruq majmuasi ona va bola salomatligini muhofaza qilish, sifatli va kompleks tibbiy xizmatlarni yo‘lga qo‘yish maqsadida barpo etilgan bo’lib, loyiha qiymati 31 milliard so‘mni tashkil etadi.

56 o‘rinli majmua tarkibida reanimatsiya, neonatologiya, diagnostika, laboratoriya, nefrologiya, ambulatoriya, shuningdek, ginekologiya va akusherlik bo‘limlari faoliyat yuritadi. Har bir bo‘lim zamonaviy tibbiy uskunalar bilan jihozlangan.

Markazda 150 nafar xodim, jumladan, malakali shifokorlar va o‘rta tibbiyot xodimlari ish olib boradi.

Qashqadaryo viloyati sog’liqni saqlash boshqarmasi matbuot xizmati