Ko‘pchilik tumov va shamollash faqat sovuq faslda uchraydi deb hisoblaydi. Aslida esa yoz oylarida ham bu kasalliklar tez-tez kuzatilishi mumkin.

🔹 Kondisionerdan noto‘g‘ri foydalanish Tashqaridagi issiq havodan so‘ng sovuq xonaga kirish yoki kondisioner havosining to‘g‘ridan-to‘g‘ri tanaga urilishi organizmning sovqotishiga olib keladi.

🔹 Muzdek ichimliklar va muzqaymoq Haddan tashqari sovuq mahsulotlarni iste’mol qilish tomoq shilliq qavatining himoya funksiyasini susaytiradi.

🔹 Havo haroratining keskin o‘zgarishi Tashqaridan issiq havodan kondisionerli muhitga tez-tez o‘tish immunitetga salbiy ta’sir ko‘rsatishi mumkin.

🔹 Viruslar yozda ham faol Ayrim respirator viruslar yilning istalgan faslida tarqalishi mumkin. Odam gavjum joylarda yuqish xavfi yuqori bo‘ladi.

🔹 Immunitetning pasayishi Noto‘g‘ri ovqatlanish, yetarli dam olmaslik, stress va suvsizlanish organizmning kasalliklarga qarshi kurashish qobiliyatini pasaytiradi.

✅ Himoyalanish uchun: • Kondisioner haroratini 22–26°C atrofida saqlang;
• Yetarli miqdorda suv iching;
• Mevalar va sabzavotlarni ko‘proq iste’mol qiling;
• Shaxsiy gigiyena qoidalariga amal qiling;
• Organizmni keskin harorat farqlaridan asrang.