Муротжон Азимов раҳбарлигида ўтказилган йиғилишда фахрийлар, вилоят соғлиқни сақлаш бошқармаси масъуллари, марказий шифохона ва туман/шаҳарлар тиббиёт бирлашмалари раҳбарлари иштирок этди.

Муҳокамалар давомида Муротжон Азимов томонидан тиббиёт соҳасида аҳолига сифатли хизмат кўрсатишни таъминлаш, тиббий кадрлар малакасини ошириш ва замонавий ускуналар билан жиҳозлаш бўйича аниқ вазифалар белгиланди.

Шунингдек, жойларда аҳоли эҳтиёжларини ўрганиб, уларнинг талабларига мос равишда тиббий хизмат кўрсатиш тизимини такомиллаштириш зарурлиги таъкидланди. Фуқаролардан тушаётган мурожаатларни таҳлил қилиш, улар орқали тизимли муаммоларни аниқлаш ва бартараф этиш, масъул раҳбарларнинг шахсий жавобгарлигини ошириш масалаларига алоҳида эътибор қаратилди.